Барааны тайлбар:

Positive Mongolians-н үүсгэн байгуулагч Дөлгөөн & Түвшөө хоёрын ХОСЫН ЖОР номын редактор Ариунгэрэл ингэж бичжээ...

Энэ номыг редакторлах болсон минь баярламаар хэрэг юм шүү. Энэ номоор дамжуулж Дөлгөөнийг өөртөө нээж учиргүй их хайрласан сан. Гурвантаа уншихдаа тийм гэж тодорхойлохын аргагүй хачин жигтэй сэтгэлд хүлүүлж гуниг бахдал зэрэгцэж уйлж бас инээмсэглэж, уярч бас ухаарч "амьдарсан".
Ямар том сэтгэл, яасан их зориг вэ?!
Үүнийг бичиглэж суух энэ агшинд ч тэр сэтгэл хөдлөөстэй ккк. Ингэхэд би нээлтэнд очсон сон бол олигтой хэдэн үг эвлүүлж хэлж чадах байсан болов уу?! Эсвэл өөртөө болон өрөөлд ч мартагдахааргүй айхтар сүрхий үг подхийтэл хэлчих байсан юм болов уу?! Ийм нэгэн орон зай онгойгоод үлдэж орхижээ.
ХОСЫН ЖОР...
Дөлгөөн энэ номыг бичээгүй, бүтээсэн. Тэр хоолой зангируулан нүдэндээ нулимстайгаар бидэнд түүхээ дэлгэсэн. Тэр бас инээмсэглэн нууцаа илчилсэн. ХОСЫН ЖОР-ыг тэр ярьж өгдөг. Маш энгийн, дэндүү дотноор. Би түүнтэй нүүр тулж уулзсан минь цор ганц удаа. Харин зүрх сэтгэлээрээ хэдэнтээ уулзжээ. Хуурмаггүй сэтгэл гэдэг хайрлам, худалгүй үнэн үгс гэдэг уншууртай юм билээ.

ХОСЫН ЖОР...
Надад лав гэр бүлийн харилцаагаа эргэж харахад, үнэлж дүгнэхэд эргэцүүлж ухаарахад нөлөөлсөн. Урган төлжиж буй охин үрдээ ч би уншуулах л ёстой санагдсан.
Ийм л үнэ цэнэтэй нэгэн номыг надаар уншуулсанд баярлалаа, дүү минь...
Маш онцгой сэтгэл, мэдрэмж, авъяас чамд байна лээ.

#589